Վերջերս Ստամբուլում կայացավ Արտահանման վերահսկման միջազգային համաժողովը, որին ներկա էր Հայաստանի ԶՈԶ-ի Չտարածման կենտրոնի տնօրեն Կարեն Գասպարյանը: Համաժողովը նվիրված էր ապագայում արտահանման զարգացման բնագավառում կայանալիք զարգացումների քննարկմանը, և ուրվագծում էր այն քայլերը, որոնք դեռ պետք է արվեն այս բնագավառում: Համաժողովի ժամանակ նաև բազմաթիվ զեկույցներ հնչեցին անցած տարիների ընթացքում արդեն կատարված աշխատանքների մասին: Հայաստանի ներկայացուցիչը նույնպես զեկույց ունեցավ Հայաստանի ԶՈԶ-ի Չտարածման կենտրոնի վերջին տարիներին կատարած աշխատանքի և տարբեր կազմակերպությունների հետ ունեցած համագործակցության մասին: Համաժողովը բարձր մակարդակի վրա անցավ տեսարժան Ստամբուլում, 2009թ. հունիսի 25-27-ին: