| |
| |
|
|
Արտահանման վերահսկման միջազգային տեխնիկական փորձի փոխանակում
Սեպտեմբերի 15-16-ը Զանգվածային ոչնչացման զենքի չտարածման խնդիրների հայկական հետազոտական կենտրոնի և ԱՄՆ Արգոնի Ազգային լաբորատորիայի նախաձեռնությամբ Երևանում տեղի ունեցավ ՙԱրտահանման վերահսկման միջազգային տեխնիկական փորձի փոխանակում՚ խորագրով սեմինար: Սեմինարի ընթացքում քննարկվեցին Հայաստանում արտահանման վերահսկողության ոլորտը կանոնակարգող օրենսդրական դաշտի վերջին փոփոխությունները, միջազգային փորձը և արտահանումն ու ներմուծումն ավելի կանոնակարգված, արդյունավետ, ինչպես նաև անվտանգ դարձնելու հնարավորությունները:
Սեմինարին հրավիրված էին փորձագետներ ԱՄՆ Պետդեպարտամենտից, ԱՄՆ Էներգետիկայի դեպարտամենտից, Տնտեսության և արտահանման վերահսկման Գերմանիայի Դաշնության գրասենյակից: Հայկական կողմից ներկա էին պետական կառավարման ոլորտը ներկայացնող մասնագետներ, որոնք անմիջական առնչություն ունեն արտահանման վերահսկողության խնդիրներին (ՀՀ պաշտպանության նախարարություն, ՀՀ էկոնոմիկայի նախարարություն, Ազգային անվտանգության ծառայություն, Պետական եկամուտների կոմիտե):
Միջոցառման ընթացքում ներկայացվեցին մի շարք զեկույցներ, այդ թվում՝ Եվրամիության արտահանման վերահսկողության համակարգը, Հայաստանի՝ սահմանների կառավարման ինտեգրված համակարգը, արտահանման վերահսկման իրավական կարգավորման փորձերը և այլն:
Սեմինարի մասնակիցների տեղեկացմամբ քննարկվող թեմաները և ներկայացված միջազգային փորձը բավականին հետաքրքիր էին, օգտակար:
Ըստ նրանց, փորձի փոխանակման
արդյունքում ստացված
գիտելիքները հետագայում
կօգնեն արտահանման վերահսկման
ոլորտում աշխատանքն ավելի
արդյունավետ և անվտանգ
դարձնելու հարցում:
|
| |
|
|
|
Copyright © NPC 2008-2010. Website Designed & Developed by www.persikof.com and Supported by FullOpSys ltd. |
